Азаматтық авиация комитетінің басшысы Салтанат Томпиева биыл ел нарығына төрт жаңа шетелдік лоукостер шығатынын мәлімдеді. Бұл туралы Life09 ақпарат агенттігі Stan.kz-ке сілтеме жасап хабарлайды.
Комитет басшысы компаниялар тізімін атады: корейлік T'way, Eastar Jet, үндістандық SpiceJet пен тайландық AirAsia X. Олар 22 әуе бағытын орындауды жоспарлап отыр.
Кейінірек Томпиева
AirAsia X компаниясы Таиландтан Қазақстанға;
T ' way мен Eastar Jet – Сеулден Алматы мен Астанаға;
Пусаннан – Алматыға рейстерді орындайтынын айтты.
"Олардың тарифтері бәсекеге қабілетті болады деп ойлаймыз. Бағалары төменірек болуы керек. Өйткені олар арзан тасымалдаушылар. Сондай-ақ бізде Делиден Алматыға рейстерді орындайтын SpiceJet үнділік лоукостері бар. Рейстердің қашан басталатынына келетін болсақ, компаниялар өз кестелерін тапсырды, біз оны бекіттік. Оларды көктем-жаз мезгілінде, яғни биыл көктем-жаздан бастап шығарамыз", – деп түсіндірді Томпиева.