Перизат Қайратқа қатысты тергеу аяқталды. Бұл туралы Қаржылық мониторинг агенттігі төрағасының орынбасары Жеңіс Елемесов мәлім етті, деп хабарлайды Life09 ақпарат агенттігі BAQ.KZ сайтына сілтеме жасап.
Келтірілген залал сомасы – 3,5 миллиард теңге.
"Иә, расында да Перизат Қайратқа қатысты қылмыстық іс аяқталды. Қазіргі уақытта процестің қатысушылары іс материалдарымен танысу сатысында. Қосымша айта кетейін: тергеу барысында залал сомасына қатысты түрлі мәліметтер айтылған болатын, алайда қазіргі таңда нақты сома – 3,5 млрд теңге деп белгіленді", – деді Елемесов Сенаттың кулуарында.
Оның айтуынша, Перизат Қайрат гүл дүкенін сатып алуға ақша салып, өзін кәсіпкер ретінде көрсетуге тырысқан.
Сондай-ақ, оның анасының үстінен де “алаяқтық” бабы бойынша іс қозғалды. Ол ақшаны заңсыз иемдену бабы бойынша күдікті. Ол қызына көмектесіп, түскен ақшаны өз шотына аударып отырған.