Осакаровкада Ұлы Жеңістің 80 жылдығына орай аудандағы жалғыз ҰОС ардагері – 101 жасар Анна Никаноровна Котованың үйі күрделі жөндеуден өтті. Үйдің шатыры ретке келтіріліп, терезелер мен есіктер ауыстырылды, үй сырты сайдингпен қапталды, аулада қырлы тас төселді. Қария тұрғын үйдің сыртқы келбеті ғана емес, сонымен қатар жаңартылған интерьер, тұсқағаз, еден жабыны және заманауи сантехникаға да қуанышты.
– Мен үйімнің жөндеуден өткеніне ризамын. Бізге қамқорлық жасалып жатқаны ұнайды, – дейді Анна Никаноровна. – Барлығы ертегі сияқты.
Тұрғын үй демеушілердің қолдауымен ретке келтірілді.
Анна Котова Воронеж облысында дүниеге келген. Соғыс басталғанда ол сыныптастарына қарап, майданға өз еркімен аттануға өтініш жасай бастады, бірақ әскери комиссар бірнеше рет қатарынан жас қызды әскерге шақырудан бас тартқан. Бірақ Аннаның табандылығы мен өжеттілігі басым түсті: 1943 жылы оны 2-ші Украина майданының 065-ші эвакуациялық госпиталіне медбике етіп жіберді. Бұл жерде ол жауынгерлік іс-қимылдар аяқталғаннан кейін де жараланғандардың өмірін құтқаруға көмектесті: бойжеткен 1946 жылдың маусым айында, бір бөлігі Венгрияда орналасқан кезде ғана әскерден шығарылды. 1943 жылдың 13 мамырынан 1945 жылдың 9 мамырына дейін 2-ші Украина майданының құрамында жауынгерлік іс-қимылдарға қатысқан. Анна Никаноровна Курск шайқасы ерекше есте қалғанын айтады.
Анна Котова II дәрежелі Отан соғысы орденімен, «1941–1945 жж. Ұлы Отан соғысындағы Германияны жеңгені үшін», «Украинаны фашистік басқыншылардан азат етуге 60 жыл» медальдарымен, «Санитарлық қызметтің үздігі» әскери белгісімен және басқа да мерейтойлық ордендер және медальдармен марапатталған.
Демобилизациядан кейін және демалысқа шыққанға дейін Анна Котова Осакаров ауданының денсаулық сақтау мекемелерінде жұмыс істеді.
Осакаров ауданы әкімдігінің ақпараты бойынша