1 маусым күні Қарағанды хайуанаттар бағы балалар мен олардың ата-аналарын жарқын мерекелік бағдарламаға шақырады.
Халықаралық балаларды қорғау күніне арналған шара сағат 12:00-де басталады. Кішкентай қонақтарды алып қуыршақтар қарсы алып, олармен бірге ойнап, естелік суретке түсуге мүмкіндік болады. Балалар үшін «Бізді жаз күтеді» атты музыкалық ойындар, көңілді эстафеталар, алып үрлемелі жастықтар мен сабын көпіршіктерінің шоуы ұйымдастырылады.
Сағат 13:30-да барлық жастағы балалар сүйіп тамашалайтын ең көңілді бағдарламалардың бірі — көбік шоуы басталады.
Ал сағат 14:30-да көрермендерді нағыз сиқыр әлемі күтеді. Қонақтарға қызықты фокустар шоуы ұсынылады.
Мерекелік бағдарламаның қорытындысында, сағат 15:00-де, биік ағашпен жүретін әртістер өнер көрсетіп, кішкентай келушілерге көтеріңкі көңіл күй мен ұмытылмас әсер сыйлайды.