Баянауыл ұлттық паркінде орман өрті шықты

Павлодар облысындағы «Баянауыл» мемлекеттік ұлттық табиғи паркінің Жасыбай орманшылығында орман өрті тіркелді.

Бұл туралы Life09 ақпарат агенттігі baq_kz сайтына сілтеме жасап хабарлайды.

Қазір тілсіз жауды сөндіруге ұлттық парктің және ТЖД-ның қызметкерлері жұмылдырылған. Қосымша күш ретінде 18 маман, 5 техника және Ми-8 тікұшағы тартылуда.

Экология және табиғи ресурстар министрлігі жағдай тұрақты бақылауда екенін мәлімдеді.