Шымкентте 3 жасар бала 9-қабаттың терезесінен құлап көз жұмды

Шымкентте 3 жасар бала көпқабатты тұрғын үйдің 9-қабатындағы терезеден құлап, оқиға орнында көз жұмды. Алдын ала мәлімет бойынша, бүлдіршін үлкендердің қарауынсыз қалған.

Жыл басынан бері мегаполисте терезеден құлаған 9 бала тіркелген. Оның төртеуі қаза тауып, бесеуі түрлі дене жарақатын алған.

Осыған байланысты Төтенше жағдайлар департаменті ата-аналарды балаларды қараусыз қалдырмауға және терезе қауіпсіздігі ережелерін қатаң сақтауға шақырды.

Дереккөз: Qazaqstan.tv