Премьер-министрдің орынбасары – Сауда және интеграция министрі Серік Жұманғарин жанармайдың қымбаттауы азық-түлік бағасына айтарлықтай әсер етпейді деп отыр.

"Баға өсімі тауарларға қалай әсер ететініне тоқталайын. Жеңіл тауар болса, аса қымбаттамайды, ірі өнімдердің бағасы тиісінше өсуі мүмкін. Жанармай бағасы өскен жағдайда, мысалы қантқа әсері 5%, ал күнбағыс майы 2,4% өседі деген болжам бар. Шамамен 15-17 теңгеге қымбаттауы мүмкін. Қазір тауар өндіруші ірі кәсіпорындар бензин, дизельмен жұмыс істемейді. Олар газға көшкен, ал газдың бағасы әзірше өспейді",- дейді премьер-министрдің орынбасары ,сауда және интеграция министрі Серік Жұманғарин.

Жұманғариннің сөзінше, биыл күзгі егіс жұмысына 413 мың тонна дизель отыны бөлінді. Оның литрі арзандатылған бағамен 204 теңге болады.

"Бұл (баға өзгермейді. Сондықтан жанармай бағасының өсуі азық-түліктің қымбаттауына аса әсер етпейді. Қазір елімізде баға тұрақты, осы орайда бірден өсіруге негіз көрмей тұрмын. Оның үстіне бізде азық-түлік қоры бар",-Жұманғарин.