Бердібек Сапарбаев дүниеден өтті

Ашық дерккөз

Мемлекет және қоғам қайраткері Бердібек Мәшбекұлы Сапарбаев өмірден озды, деп хабарлайды Life09 ақпарат агенттігі. 

Суық хабар туралы әлеуметтік желі қолданушылары жазып жатыр.

Бердібек Машбекұлы Сапарбаев 1953 жылы 9 ақпанда Қызылорда облысының Жаңақорған ауданының Бесарық ауылында дүниеге келген. Мемлекет және қоғам қайраткері, Экономика ғылымдарының докторы, профессор.

Бердібек Машбекұлы түрлі жылдары ҚР Министрлері кабинеті аппаратының басшысы, Қызылорда облысының әкімі, Оңтүстік Қазақстан облысының әкімі. Кедендік бақылау агенттігінің төрағасы, Қаржы министрлігінің вице-министрі - кедендік бақылау комитетінің төрағасы, Премьер-министр кеңсесі басшысының орынбасары – Қазақстан Республикасы Парламентіндегі Үкіметтің өкілі, Экономика және бюджеттік жоспарлау вице-министрі, Еңбек және халықты әлеуметтік қорғау министрі, Шығыс Қазақстан облысының әкімі, Премьер-министрдің орынбасары, Ақтөбе облысының әкімі қызметтерін абыроймен атқарған.