Алакөлде өрт салдарынан 7 адам медицтналық көмекке жүгінген

Ашық дереккөз

Абай облысындағы Алакөл көлінің жағасында ірі өрт шықты.

Өрт салдарынан 4 демалыс орны зиян шекті, 7 адам медициналық көмекке жүгінді, деп хабарлады Saryarqanews.kz облыстың төтенше жағдайлар департаментіне сілтеме жасап.

Өрт сөндірушілердің, жергілікті атқарушы органдардың, полиция қызметкерлері мен тұрғындардың бірлескен жұмысының арқасында өрт 5 шілде күні таңға қарай сөндірілді. Алдын ала мәлімет бойынша жалын 3000 шаршы метр аумақты шарпыған.

Тілсіз жаумен күресуге жергілікті атқарушы органдар, төтенше жағдайлар департаменті, полиция департаменті, Тарбағатай ұлттық паркі және Алматы облысы төтенше жағдайлар департаментінен 186 адам мен 29 техника жұмылдырылды.

Өрт сөндіру жұмыстарын жылдамдығы 10 м/с-қа дейін жеткен жел қиындатты. Өрт бір ағаш үйден екіншісіне жылдап өтіп отырған.

Өрттің шығу себебі анықталуда.

Оқиға орнында жедел штаб ұйымдастырылып, жұмыс істеп жатыр.