Екібастұз жылу орталығының учаске бастығы көз жұмды

Ашық дереккөз

«Екібастұз жылу энергиясы» ЖЭО қызметкері көз жұмды,- деп хабарлайды LIFE09 ақпарат агенттігі Pavlodarnews.kz сілтеме жасап хабарлайды.

Алдын ала болжам бойынша, ер адам әйелімен болған жанжалдан соң гаражға кетіп, сондағы көлігін оталдырған. Кейін ол ұйықтап, газдан уланып қалған болуы мүмкін.

Қаза тапқан ЖЭО учаскесінің бастығы туралы ақпарат әлеуметтік желіде кең тарады. Онда қаза тапқан 33 жастағы ер адамның денесі гараждан табылғаны, оның денесінде зорлық іздері болмағаны туралы полицияның баянаты жарияланды.

«Екібастұз жылу энергиясы» баспасөз қызметі қызметкердің қайтыс болғанын растаған.

«4 желтоқсан күні «Екібастұз жылу энергиясы» ЖШС-не полиция басқармасынан қаладағы гараждарының бірінен көлік ішінен Екібастұз ЖЭО қызметкерінің денесін тапқаны туралы қоңырау түсті. Деректерді тексеру кезінде олар бұл шынымен орталық қызметкері екенін анықтады», - деді кәсіпорын.

Ал Павлодар облыстық полиция департаментінің мәліметінше, бұл факт қалалық басқармада тіркелген, қазір тексеру жүргізілуде.