24 наурызда Астана қаласында Қазақстан Республикасы Терроризмге қарсы орталығының басшысы – Ұлттық қауіпсіздік комитетінің Төрағасы Ермек Сағымбаевтың төрағалығымен Орталықтың отырысы өтті.
Іс-шараға ТҚО құрамына кіретін мемлекеттік огандардың, сондай-ақ Бас прокуратура басшылары қатысты.
Е.А. Сағымбаев жиналысты аша отырып, Қазақстанда соңғы кезде «жалған терроризм» көріністері жиі орын ала бастағандығы, оның саны 2020 жылмен салыстырғанда үш есе өскендігін атап өтті.
Әсіресе анонимді хабарламалар Интернет желісі арқылы жүзеге асырылатындығына ерекше назар аударылды.
Осы іспеттес фактілерге қарсы іс-қимыл шараларын жетілдіру мақсатында, ҚР Президенті Әкімшілігінің тапсырмасы бойынша ведомствоаралық Іс-шаралар жоспары әзірленді және отырыста бекітілді.
Халықаралық және ведомствоаралық өзара іс-қимылды дамыту, материалды-техникалық нығайту мен кадрлармен қамтамасыз ету, сондай-ақ осы саладағы құқықтық нормаларды жетілдіру шаралар жүйесінің кешенін іске асыру орташа мерзімді болашақта көзделген.
Отырыста терроризмге қарсы іс-қимыл бойынша жедел-іздестіру қызметінің міндеттерін шешу мақсатында қосымша арнаулы және құқық қорғау органдарының өзара іс-қимыл мәселелері қаралды.
Жедел іс-шараларды өткізуге тартылған басшылар мен лауазымды тұлғалардың біліктіліктерін үнемі көтеру, террористік қылмыстарды анықтау, жолын кесу, ашу және тергеп-тексеру жүргізу ақпаратымен және тәжірибиесімен алмасу механизмдерін жетілдіру қажеттілігіне тоқталды.
