Ресей мен Беларуссия  спортшылары Жазғы олимпиада ойындарына қатысуы мүмкін

Ашық дереккөз

Халықаралық Олимпиада комитетіне осы жазда Париж ойындарына ресейлік және беларуссиялық спортшыларды қатыстыру туралы өтініш көптеп түсуде. ХОК әлі жауап берген жоқ, бірақ қаңтардағы келесі отырысында шешім нақты қабылдауы мүмкін, деп хабарлайды LlFE09 ақапарат агенттігі Azattyq Ruhy Euronews ақпарат агенттігіне сілтеме жасап.

Халықаралық федерациялар мен ұлттық комитеттер өз мәлімдемесінде ХОК-ты ресейлік және беларуссиялық спортшыларды 2024 жылы Париждегі Олимпиада ойындарына бейтарап тумен қатыстыруға шақырды.

Оларға 2022 жылдың ақпанында Ресейдің Украинаға басып кіруінен кейін халықаралық жарыстарға қатысуға тыйым салынды.

Халықаралық федерациялардың өкілдері барлық мүдделі спортшылар үшін олимпиадалық біліктілік процедураларына түсінікті болу үшін мүмкіндігінше тезірек шешім қабылдауды сұрады.

Өз тарапынан ХОК сейсенбіде мұндай бейтарап жеке спортшылардың Олимпиада ойындарына қатысуы өткен жылдың наурыз айында белгіленген қатаң шарттар орындалған жағдайда ғана іске асуы мүмкін екенін мәлімдеді. Яғни спортшылар гимн мен жалаусыз қатысады, сондай-ақ олар Ресейдің Украинаға қарсы соғыс әрекеттеріне қолдау білдірмеулері тиіс.

Өткен аптада Парижде жиналған Олимпиада комитеті ресейліктер мен белорустарды қабылдау мәселесін қозғаған жоқ және қашан шешім қабылдайтынын айтқан жоқ.

Алайда оның Атқарушы кеңесі 18 қаңтарда қайта жиналады.