Димаш Құдайберген 24 қыркүйек Алматы қаласында өтетін фанмитингте «История одного неба» атты бейнебаянының тұсауын кеседі. Бұл туралы әнші өзінің ресми парақшаларында мәлімдеді.
12 минуттық туындының мақсаты – ғаламшардағы адамзатты бірлікке шақыру. «Біз нәсілге, ұлтқа және дінге бөлінеміз. Бірақ бір жаһанның баласымыз және бір аспанның астында тұрамыз. Өмір – ең қымбат құндылық», – деп жазды Димаш. Аталмыш туындының сценарийін әншінің өзі жазған. Оған 3 жыл уақыт кеткен.