ТМД елдеріне танымал болған "5:32" сериалының авторлары плагиат ісі бойынша сотта жеңіліп қалды.Сериал жантүршігерлік қылмыстар, маньяк, қанішерлер туралы баяндайды.

Журналист және атышулы қылмыстар туралы кітап авторы Асқар Жалдинов Salem Social Media авторларын авторлық құқықты бұзды деп айыптады.

Сот талап арызды ішінара қанағаттандырып, жауап берушілерді кітапты пайдаланғанын көпшілік алдында мойындауға міндеттеді.

Жалдиновке 3,5 миллион теңгеге жуық өтемақы және 1 миллион теңге моральдық шығын төленеді. Жалпы алғанда, бұл шамамен 10 мың долларды құрайды.