Kaspi.kz Таяу Шығыс елдерінде қалып қойған клиенттеріне материалдық көмек көрсетеді

Kaspi.kz Таяу Шығыс елдерінде жүрген немесе сол аймақта транзиттік рейстерде қалып қойған клиенттеріне қолдау көрсету туралы шешім қабылдады, деп хабарлайды Life09 ақпарат агенттігі Stan.kz-ке сілтеме жасап. Бұл көмек Kaspi Travel арқылы тур немесе ұшақ билетін сатып алған азаматтарға қатысты.

Компания мәжбүрлі түрде шетелде қалған кезеңде Kaspi Gold картасына күн сайын материалдық көмек аударады:
 • әр ересек адамға – тәулігіне 35 000 ₸
 • әр балаға – тәулігіне 15 000 ₸.

Kaspi.kz өз клиенттерімен тұрақты байланыста болып, оларға қолдау көрсету үшін барлық қажетті шараларды атқарып жатқанын хабарлады.

Компания азаматтарды қауіпсіз жерлерде болуға, сондай-ақ Қазақстан Республикасының елшіліктері мен консулдықтарымен байланыста болуға шақырды.