Маңғыстау облысында мүгедек жандарды қайыр сұрауға мәжбүрлеген адамдар ұсталды, деп хабарлайды Life09 ақпарат агенттігі Маңғыстау облыстық прокуратурасына сілтеме жасап.
"Кедергісіз қала" пилоттық жобасын іске асыру аясында Маңғыстау облысы прокуратурасы мүгедектігі бар адамдарды қайыр сұрауға мәжбүрлеп, оларды заңсыз ұстау фактісін анықтады", - деп жазылған хабарламада.
Аталған заңсыз әрекеттердің жолын кесу мақсатында Ұйымдасқан қылмысқа қарсы күрес басқармасы 22 сәуірде Ақтау қаласының аумағында күдіктілерді ұстады.
Полиция департаменті ҚР Қылмыстық кодексінің 128-бабының 2-бөлігі 1, 6-тармақтарына сәйкес сотқа дейінгі тергеп-тексеру басталды.
Өзге ақпарат тергеу құпиялығына байланысты жарияланбайды.
