Биыл Қарағанды облысында 49 мыңнан астам тұрғынды жұмысқа орналастыру, жұмыс істеп тұрған ШОБ кәсіпорындарының санын 95,2 мыңға дейін ұлғайту көзделіп отыр. Amanat партиясының сайлауалды бағдарламасының Жол картасын іске асыру қорытындылары және партиялық бақылау комитетінің отырысындағы жоспарлар туралы өңір басшысы Ермағанбет Бөлекпаев баяндады.

Өткен жылы өңірде 985 грант пен шағын несие берілді. 1957 ШОБ жобасы қаржыландырылды, 4,5 мыңнан астам бизнесін жаңа бастаған кәсіпкерлер оқытуға бағытталды, 2777 жаңа шағын және орта кәсіпкерлік субъектілері құрылды. Сайлау алдындағы бағдарламаның көрсеткіштері 30%-ға асыра орындалды.

– Биыл 601 грант пен шағын несие беру, 1,7 мың ШОБ жобасын қаржыландыру, 49 мыңнан астам жұмыс орнын құру, жұмыс істеп тұрған ШОБ кәсіпорындарының санын 95,2 мыңға дейін ұлғайту, жұмыспен қамтылғандар санының 222,7 мың адамға дейін өсуін қамтамасыз ету міндеті қойылды. Жастарды жыл сайынғы жұмысқа орналастыру көрсеткіші бойынша міндеттемелер 2 есеге жуық орындалады, – деп атап өтті Ермағанбет Бөлекпаев. – Мектепке дейінгі білім беруде жеті ұйым ашу және жұмыс істеп тұрған жеке ұйымдарды 1379 орынға дейін кеңейту есебінен балаларды қамту ұлғайтылды. Жыл соңына дейін тағы 350 жаңа орынды іске қосу жоспарлануда.

75 мыңнан астам бала тегін ыстық тамақпен қамтамасыз етілген. Бұл бастауыш сынып оқушылары және халықтың әлеуметтік осал топтарының балалары. Қарқаралы және Бұқар жырау ауданының Талды және Атамекен ауылдарындағы ескірген және апатты мектептердің проблемаларын шешу үшін облыстық бюджет қаражаты есебінен 350 орындық екі жаңа мектеп салынуда. Сондай-ақ, "Жайлы мектеп" ұлттық жобасы аясында 7100 орындық тағы 10 мектеп іске қосылады.

Сондай-ақ, өңір басшысы денсаулық сақтау жүйесін дамыту, АӨК және ТКШ саласындағы проблемаларды шешу туралы айтып, өңірдің экономикалық көрсеткіштеріне тоқталды.

Отырысты AMANAT партиялық бақылау комитетінің төрағасы Павел Казанцев жүргізді. Ол партияның сайлауалды бағдарламасының барлық көрсеткіштерін орындау қажеттігін атап өтіп, мемлекеттік органдардың оны орындағаны үшін дербес жауапты болатынын еске салды. 

– Ауқымды және жауапты жұмыс атқарылды. Бағдарламада жүзеге асырылған көп нәрсе бар. Дегенмен, біз әлі де көп нәрсе істеуіміз керек. Кемшіліктер сайлауалды бағдарламаның орындалу сапасы мен толықтығына айтарлықтай әсер етуі мүмкін. Сондықтан біз үшін қазір партиялықтар мен атқарушы және өкілді мемлекеттік органдардың бірлескен күш-жігерімен іс жүзінде бар тәуекелдерді анықтау, туындаған проблемаларды талқылау және оларды шешу жолдарын әзірлеу маңызды, – деп атап өтті Павел Казанцев.