Алматыда ел аузында "барахолка" аталып кеткен базарда өрт шықты. Төтенше жағдай «Адем» сауда үйінің артқы бетіндегі қоймалардың бірінде болған, деп хабарлайды LIFE09 ақпарат агенттігі.
Өрт сөндірушілер әзірге мәлімет беріп үлгерген жоқ. Желіде базардағы өрттің видеолары тарап жатыр.
Қалалық төтенше жағдайлар қызметіде бұл жайтты растады. Дерекке сүйенсек, базардағы контейнерден өрт шыққан. Төтеншеліктер оқиға орнына 8 минутта жеткеніне қарамастан, жалынның беті қайтар емес.
Мамандар дереу өртті сөндіруге кірісіп, газ-түтінінен қорғау қызметі өрт құрсауында қалған адамдардың бар-жоғына барлау жүргізді . Жағдай бақылауда,- делінген қалалық ТЖД мәліметінде.
