Қарағанды облысында 2023 жылы 542,9 мың га ауыл шаруашылығы мақсатындағы жерлер мемлекет меншігіне қайтарылды. Бұл туралы Life09 ақпарат агенттігі Қарағанды облысы әкімдігінің сайтына сілтеме жасап хабарлайды.
Өткен жылғы жұмыс қорытындылары және 2024 жылға арналған жоспарлар туралы аймақ әкімі Ермағанбет Бөлекпаевқа жер қатынастары басқармасының басшысы Нұрлан Ламбеков есеп берді.
ЖТҚ үшін қанша жер телімі берілді?
Ауыл шаруашылығын пайдалануға, коммерциялық мақсаттарға және жеке тұрғын үй құрылысына арналған жерлерге тұрақты мониторинг жүргізілуде.
2023 жылы ауыл шаруашылығы айналымына 527,6 мың га тартылды, жоспар бойынша 409,5 мың га. 2024 жылға жоспар – 352,6 мың га.
Өткен жылы қалалар мен аудандардың әкімдіктерімен 127 аукцион өткізілді. 385 млн 796 мың теңге сомасына ауданы 90,3 га 198 жер учаскесі сатылды. Биыл 64,7 га жер телімдері бойынша 70-ке жуық аукцион өткізу жоспарлануда.
ЖТҚ үшін 180 жер учаскесі берілді.
Ауыл тұрғындарын жайылыммен қамтамасыз ету үшін қандай шаралар қабылдануда?
Елді мекендерде жайылымдардың жетіспеушілігі 750,9 мың га құрайды, оның ішінде 195,6 мың га аналық мал басы үшін жеткіліксіз. Қабылданған шаралар: 107,8 мың га аумаққа ауыл шаруашылығы тауарын өндірушілермен бірлесіп пайдалануға меморандумдар жасалды. 11,6 мың га алаңда шалғынды жайылымдар ұйымдастырылды. Тағы 63,4 мың га ауылдық округ әкімдеріне уақытша өтеусіз пайдалануға берілді.
Бұқар жырау және Осакаров аудандарында "Жайлау" пилоттық жобасы іске асырылды. Шалғайдағы жайылымдар бөлінген қорамен және жинақтағышпен, екі адамға арналған жылжымалы вагондармен, генератормен, суаруға арналған ұңғымалармен қамтамасыз етілді.
Бұдан басқа, Ақтау кентінің тұрғындарын жайылымдармен қамтамасыз ету үшін Бұқар жырау ауданының жайылымдарын бірлесіп пайдалану бойынша 750 гектарға меморандумдар жасалды.
Пайдаланылмаған жерлер қалай қайтарылуда?
Ауыл шаруашылығы мақсатындағы пайдаланылмаған жерлерді қайтару жөніндегі ведомствоаралық комиссия 2023 жылы 542,9 мың га жерді мемлекеттік меншікке қайтарды.
Шаруаларға қатысты тексерістер жүргізілді. 60,1 мың гектарға жерді пайдаланбау бөлігінде заңнаманы бұзушылықтарды жою туралы нұсқама берілді.
2024 жылға бекітілген қайтару жоспары 165,0 мың га құрайды.
