"Қарағанды медицина университеті" КеАҚ-н екіге бөлу жолымен одан "Еңбек гигиенасы және кәсіби аурулар ұлттық орталығы" КеАҚ-н жеке мекеме етіп шығару жоспарланып отыр. Бұл туралы Ашық НҚА порталында жарияланған Үкімет қаулысының жобасынан белгілі болды.
Сәйкесінше, екі жеке акционерлік қоғам құрылады:
"Қарағанды медицина университеті" КеАҚ;
"Еңбек гигиенасы және кәсіби аурулар ұлттық орталығы" КеАҚ және "Қарағанды медицина университеті" КеАҚ.
Екі мекеме де Денсаулық сақтау министрлігіне тікелей бағынады және екеуінің де жарғылық капиталына мемлекет толықтай қатысады.
