Балқаш қаласынан Әлімхан Ермеков атындағы мектеп-лицейінің оқушылары Англияның Борнмут қаласындағы King ' s college-де тілдік тәжірибеден өтеді. Шекспирдің отанына сапарды USTAZ Ulytau қайырымдылық қоры төлейді.
Арина Пестрякова, Альнур Бағдатов, Виктор Ким және Ксения Ничипуренко 10-сынып оқушылары. Жыл бойы олар ағылшын тілін белсенді оқыды. Қорытынды тестілеуді сәтті тапсырып, ағылшындықпен сұхбаттан өтті. Осы арқылы Англияға тілдік тәжірибеге жолдама алды. 4 тамыздан бастап олардың King's college-де екі апталық оқуы басталды.
– Біз тіл үйреніп жатқан елге бару менің арманым болды. Ағылшынша сөйлейтіндердің ортасында жүру айтылымды, ауызекі сөйлеуді жақсартуға мүмкіндік береді. Біз бірге оқитын басқа ел балаларымен танысуға мүмкіндік алдық. Мен осы білім беру бағдарламасына қатысқаныма қуаныштымын, – дейді Ксения Ничипуренко.
Жас тіл мамандарын толық бағдарлама күтіп тұр: олар тыңдау, сөйлеу, оқу және жазу дағдыларын жетілдіру бойынша жұмыс істейтін болады.
– Ең бастысы-беделді колледж қабырғасында ағылшын тілін үйрену. Жаңа таныстар, ағылшын отбасында тұру қазақ халқының мәдениеті, салт – дәстүрлері туралы әңгімелеп, тұрмыс ерекшеліктерімен жақынырақ танысуға мүмкіндік береді, – дейді ағылшын тілі мұғалімі, педагог-зерттеуші Елена Ничипуренко. – Біздің оқушылар тілді білу деңгейін анықтауға тест тапсырып, топтан үздік нәтижелерге қол жеткізді.
