Бүгін Қарағанды облысының 50 тыл еңбеккері мен еңбек ардагерлері "Балқаш" шипажайына емделуге кетті. Олардың басым бөлігі 80 жас шамасындағы қариялар.
Демалушылар қатарында бұрын мұғалім, бухгалтер, құрылысшы, механизатор, кенші және т. б мамандық иелері болған зейнеткерлер бар.
Тізімдерді облыстың ардагерлер және қоғамдық ұйымдары қалыптастырды.
– Облыс әкімінің бастамасымен өткен жылдан бастап еңбек ардагерлерін Приозерск қаласындағы шипажайға жібереміз. Онда олар қажетті медициналық көмек алып, денсаулығын қалпына келтіреді. Тізімдер оларға лайықты адамдар кіретіндей етіп жасалады, – деді облыс әкімінің орынбасары Ораз Тәуірбеков.
Балқаш жағалауындағы сауықтыру кешенінде заманауи медициналық жабдықтар бар, білікті мамандар жұмыс істейді.
10 күн ішінде егде жастағы адамдар процедуралардың толық курсынан өтеді. Емдеу әрқайсысы үшін жеке тағайындалады.
– Ауа-райы бүгін менің көңіл-күйімді бұза алмады. Мен сапарға аттанып бара жатқаныма шын жүректен қуаныштымын, – дейді 75 жастағы Күлпәну Мұсаинова. – Мемлекет бізге, зейнеткерлерге қамқорлық жасап қатқанына қуаныштымыз. Шипажайда маған ұнайды деп үміттенемін, аздап үйренемін, жаңа таныстар пайда болады. Осы сапарды ұйымдастыруға көмектескендердің барлығына алғыс айтамын.
Қарт адамдар жипажайға медицина мамандарының және полицияның сүйемелдеуімен жайлы автобуспен аттанды.
Биыл 200 ардагер тегін шипажай-курорттық емдеумен қамтылды.
