Тиранада грек-рим күресінен Олимпиада бағдарламасына кірмейтін салмақтар бойынша әлем чемпионаты өтіп жатыр.
63 келіде сынға түскен Ержет Жарлықасын финалдық белдесуде әзірбайжандық Нихат Захид Маммадлиге есе жіберді. Бұл қазақстандық спортшының ересектер арасындағы алғашқы Әлем чемпионаты. Айта кетсек, 24 жастағы Ержет Жарылқасын 2024 жылы Бішкек қаласында өткен Азия чемпионатында топ жарған еді. Бұл байрақты бәсекеден ел қоржынына түскен алғашқы жүлде.
