Қызылорда облысы Арал ауданына қарасты Сексеуіл ауылында тұрғындардан 2 мыңнан астам киік мүйізі тәркіленді, деп хабарлайды LIFE09 ақпараттық агенттігі Polisia.kz-ке сілтеме жасап.
Сексеуіл ауылында полиция қызметкерлері жойылып кету қаупі бар жануарлардың дериваттарын сатумен айналысқан тұрғындарды ұстады.
"Олардан жалпы салмағы 400 келі болатын 2 038 киік мүйізі, электронды таразылар және екі автокөлік тәркіленді", - дейді ведомство.
Күдіктілер уақытша ұстау изоляторына қамалды. Қазіргі уақытта сотқа дейінгі тергеу жүріп жатыр.
