Жол апатынан зардап шеккендер мен қаза тапқандар жоқ, деп хабарлайды LIFE09 ақпараттық агенттігі Sputnik.kz-ке сілтеме жасап.
"Алматы-Өскемен" автожолының учаскесінде ірі жол апаты болды, деп хабарлады "Қазавтожол".
"15 қаңтар сағат 07:30 шамасында "Алматы-Өскемен" автожолының 28 шақырым учаскесінде ("Алматы-Қонаев" бағытында) 18 автокөлік жол апатына ұшырады. Авария қалың тұман кезінде болды", - деп жазылған хабарламада.
Алдын ала мәлімет бойынша жүргізушілер шектеулі көрініс кезінде жылдамдық режимі мен қауіпсіз арақашықтықты сақтамаған.
Оқиға болған жол учаскесі ІА техникалық санатқа жатады, 6 жолақты. Жолдың жүру бөлігі құрғақ, ақаусыз және бөгде заттар болмаған.
Жол апатынан зардап шеккендер мен қаза тапқандар жоқ.
Қазіргі таңда Алматы-Өскемен автожолы ашық. Жол апатынан кейін жол қызметі жолдың бойын тазалап өтті.
