Қазақстан Республикасының Ұлттық ядролық орталығында атом реакторларының жұмысын жоғары дәлдікпен модельдеуге мүмкіндік беретін заманауи технологиялар қолданылады. Компьютерлік есептеулер реактордың қалыпты және ықтимал авариялық жағдайлардағы жұмысын алдын ала бағалауға мүмкіндік береді.
Мамандар MCNP6.3 және ANSYS бағдарламалық кешендерін пайдаланады. MCNP нейтрондар мен гамма-сәулелердің қозғалысын, энергияның бөлінуін есептесе, ANSYS реактор конструкцияларындағы температура, жылу ағыны және механикалық жүктемелерді талдауға мүмкіндік береді.
Екі жүйенің нәтижелерін біріктіру арқылы реактордың жұмысын барынша дәл болжауға болады. Алайда компьютерлік есептеулермен ғана шектелмей, алынған нәтижелер арнайы зерттеу реакторлары мен эксперименттік қондырғыларда тексеріледі.
Мұндай тәсіл модельдердің дәлдігін арттырып, реакторлардың қауіпсіздігін ғылыми тұрғыдан бағалауға және ықтимал авариялық жағдайлардың алдын алуға мүмкіндік береді.
Дереккөз: dalanews.kz.
