Қазақстанда өндірілетін радиоизотоптар онкологиялық ауруларды анықтау және емдеу кезінде қолданылып келеді.
Ядролық физика институты медициналық мақсаттағы жаңа препараттар мен технологияларды әзірлеуде. Қазір йод-131 және фтор-18 сияқты радиоизотоптар қолданылады. Алдағы уақытта ядролық медицина орталықтарын көбейтіп, отандық радиофармпрепараттарды Орталық Азия елдеріне экспорттау жоспарланып отыр.
Ядролық технологиялар тек медицинада емес, ауыл шаруашылығы мен экология салаларында да пайдаланылады.
Бұл жұмыстар Қазақстанның атом энергетикасын дамытуға қажетті мамандар мен технологияларды дайындауға да мүмкіндік береді.
Яғни Қазақстан қазірдің өзінде ядролық медицинаны дамытып, болашақ атом энергетикасына қажетті ғылыми базаны қалыптастырып жатыр.
Дереккөз: centralmedia24.kz.
