Қарағандыда өткен жылы 95-ке келген қазақстандық сахна аңызы Бибігүл Төлегеноваға құрмет көрсетіледі. Қазақстан мен КСРО Халық әртісі, Қазақстан Мемлекеттік сыйлығының лауреаты, Социалистік Еңбек Ері мерейтойына арналған "Бұлбұл үнді Бибігүл" гала-концерті 15 қаңтарда Кеншілер мәдениет сарайының сахнасында өтеді. Кіру тегін.
"Бибігүл Ахметқызы Төлегенованың 95 жылдығын мерекелеу – Қазақстандағы әлемдік маңызы бар оқиғалардың бірі. Халық әртісі қазір де біздің елімізде және шетелде ән шығармашылығын сүйетіндер арасында танымал. Ол қазақ халық музыкасы мен Қазақстан композиторларының шығармашылығын дамытуға және насихаттауға зор үлес қосты. Құрманғазы атындағы Қазақ ұлттық консерваториясының оқытушысы ретінде Бибігүл Ахметқызы белгілі опера әншілерін тәрбиеледі. Оның бүкіл өмірі сахна мен халыққа арналған", – деп атап өтті гала-концертті ұйымдастырушылар.
Бұл кеште ұлы әншінің шығармашылығының жарқын сәттеріне толы әндер шырқалады. Эстрада жұлдыздары Роза Рымбаева, Толқын Забирова, Азамат Желтыркөзов, Талғат Мұсабаев, Медет Шотабаев қатысады.
Концерттің басталуы сағат 16:00-де.
