Қарағанды облысында БАҚ қызметкерлері марапатталды. Журналистерге мемлекеттік наградалар мен облыс әкімінің "Алтын сұңқар" сыйлығы табысталды.
Өңір басшысы Ермағанбет Бөлекпаев БАҚ қызметкерлеріне еңбегі мен мамандыққа адалдығы үшін алғысын білдірді.
– Журналистер біздің өмірімізде үлкен рөл атқарады. Олар көпшіліктің пікірін білдіреді. Облыста 180-нен астам БАҚ тіркелген. Оның 90%-ы мемлекеттік емес. Сіздердің сыни мақалаларыңыз бізге алға жылжуға көмектеседі. Сіздерді шын жүректен құттықтаймын. Денсаулық, шығармашылық табыс және барлық жақсылықтар тілеймін! – деп облыс әкімі БАҚ мамандарына тілек білдірді.
Ел Президенті атынан Ермағанбет Бөлекпаев кездесуге қатысушыларға мемлекеттік наградалар табыс етті. "Құрмет" орденімен журналистика ардагері Екатерина Кузнецова және филология ғылымдарының докторы, Е. А. Бөкетов атындағы ҚарУ журналистика кафедрасының профессоры Вера Әбішева марапатталды.
– Бүгін менің атымнан журналистердің, оқытушылардың бірнеше буынының еңбегі танылды. Биыл кафедра 30 жылдығын атап өтуде. Осы уақыт ішінде біз кәсіби мамандарды дайындауға тырысамыз. Менің ойымша, біз табысқа жеттік. Барлық журналистерге олардың материалдары мейірімді, жарқын және толерантты болуын тілеймін. Барлығына жақсылық, денсаулық, қуанышты оқиғалар болсын деп тілеймін! – деді Вера Әбішева.
"Алтын сұңқар" сыйлығы 18 жыл бойы табысталып келеді. Биыл байқауға 116 өтінім келіп түсті. Марапаттау 10 номинация бойынша өтті.
Номинациялар бойынша жеңімпаз деп танылды:
- "Мамандыққа адалдығы үшін" – Е. А. Бөкетов атындағы ҚарУ журналистика кафедрасы;
- "Белсенді өмірлік ұстанымы үшін" – "Жаңа ФМ" радиостанциясы, директоры – Рустам Жамлиханов;
- "Объектив шебері" – Шалқар Алтынбеков, "5 арна" ТК телеоператоры;
- "Ауыл тақырыбын үздік қамту" – Мақсат Бейсенаев, "Saryarqa" ТК жаңалықтар қызметінің редакторы;
- "Әлеуметтік тақырыпты үздік қамту" – Жаңабек Нар, "Бірінші Қарағанды" ТК журналисі;
- "Өндірістік тақырыпты үздік жариялау" – Әйгерім Бұқтаева, “КТК" телеарнасының Қарағанды облысы бойынша меншікті тілшісі;
- "Алғашқы жетістіктері үшін" – Евгения Вологдская, eKaraganda.kz ақпарат агенттігінің тілшісі;
- "Жылдың үздік шығармашылық жұмысы" – Жансая Омарбекова, Ortalyq Qazaqstan газетінің медицина және әлеуметтік бағдарламалар бөлімінің меңгерушісі;
- "Стиль және функционалдылық үшін" – Лола Калышева, "SARYARQAAQPARAT" ЖШС медиахолдингі, "Life09" ақпарат агенттігінің дизайнер-монтажшысы;
- "Әлеуметтік желілердегі өзекті мәселелерді үздік жариялағаны үшін" – Ирина Вабищевич, "5 арна" ТК тілшісі.
Облыс әкімінің "Қарағанды журналистикасын дамытуға қосқан үлесі үшін" арнайы сыйлығымен биыл 85 жылдығын атап өтетін "Бұқар Жырау жаршысы" аудандық газеті марапатталды.
– Біздің газет биыл мерейтойын атап өтуде. Біздің аймақтық журналистикаға қосқан үлесіміз өте жоғары бағаланғаны қуантады. Бұл бүкіл ұжым үшін алғашқы марапат. Аудандық газеттерді қолдаса, бұл өте ынталандыратын еді. Барлық әріптестерді мерекемен құттықтаймын! Жаңа шығармашылық белеске жетуді тілеймін, – деді "Бұқар Жырау жаршысы" газетінің редакторы Әлия Жұмақаева.
Байқау жеңімпаздары "Алтын сұңқар" белгісін, дипломдар мен ақшалай сертификаттар алды.
