ҚР еңбек сіңірген қайраткері, Тәттімбет атындағы академиялық қазақ халық аспаптары оркестрінің көркемдік жетекшісі, Тәттімбет атындағы өнер колледжінің аға ұстазы Әбуғалисын Шоқанбаевтың 70 жылдық мерейтойына арналған «Өмірім – өнер әлемі» атты шығармашылық кеші өтеді.
Өтетін орны: «Шалқыма» концерт залы, Костенко көшесі, 7
Өтетін күні: 1 ақпан, 2025 ж.
Өтетін уақыты: сағ.15.00
Әбуғалисын Шоқанбаев Тәттімбет атындағы академиялық оркестрде 1988 жылдан, оркестр құрылған күннен бастап жұмыс істейді. 1992 жылдан КСРО Халық әртісі, профессор Ш.С.Қажығалиевтің ассистенті, ал 1996 жылдан оркестр дирижері болды. 2022 жылдан бастап оркестрдің көркемдік жетекшісі қызметінде. Ол осы ұжымның қалыптасуына, шығармашылық өсуіне, орындаушылық шеберлігіне, репертуарын толықтыруға көп еңбек сіңірді. Репертуардың негізгі бөлігі Ә.Шоқанбаев өңдеген және аударған халық композиторлары мен шетел композиторларының шығармаларынан тұрады.
2004 жылы «Сылқылдақ» партитуралар жинағы жарық көрді. Бұл жинаққа халық композиторы Тәттімбеттің бұрын орындалмаған 5 күйі Ә.Шоқанбаевтың өңдеуінде енді. 2005 жылы «Арқа күйлері» партитуралар жинағы жарық көрді. Бұл жинаққа халық композиторлары Тәттімбет, Байжігіт, Тоқа, Әбди, Қыздарбек, Аққыздың күйлері енген. 2004 жылдың наурыз айында Ә.Шоқанбаев Қ.Байжанов атындағы концерттік бірлестік жанынан «Арқа сазы» фольклорлық ансамблін ұйымдастырды. 2005 жылы ансамбль І орын алып, «Шабыт» халықаралық фестивалінің лауреаты атанды. А.Шоканбаев облыстың халық ұжымдарымен шығармашылық достастықта, оларға әдістемелік жағынан да, репертуарлық жағынан да көмектеседі. Олардың арасында Қарқаралы ауданының «Салтанат», Ақтоғай ауданының «Тоқырауын толқындары» халық ән-би ансамбльдері бар.
Ә.Шоқанбаев Тәттімбет атындағы Қарағанды өнер колледжінде 40 жылға жуық еңбек етіп келеді. Осы жылдар ішінде бірқатар дарынды шәкірттер тәрбиеледі.
Өткізу мақсаты:
ҚР еңбек сіңірген қайраткері, дирижер Әбуғалисын Шоқанбаевтың 70 жылдық мерейтойы қарсаңында оның шығармашылығын, оркестрге өңдеген күйлерді, еңбектерін насихаттау, халық арасына кеңінен таныту. «Өмірім – өнер әлемі» атты шығармашылық кешін Қарағандылық көрерменмен қауыштыру.
Ұйымдастырушылар:
Қарағанды облысының мәдениет, архивтер және құжаттама басқармасы және Қали Байжанов Қарағанды концерттік бірлестігі.
