Қазақстандық ауыр атлет Ерасыл Сәулебеков Испанияның Леон қаласында өтіп жатқан жастар арасындағы әлем чемпионатының жүлдегері атанды, деп хабарлайды Life09 ақпарат агенттігі.
81 келіге дейінгі салмақта Ерасыл Сәулебеков қоссайыста (154+190) 344 келіні еңсеріп, қола жүлдеге қол жеткізді. Осы көрсеткішінің арқасында Ерасыл серпе көтеруде күміс, қоссайыста қола медаль жеңіп алды.
Айта кетейік, қазақстандық спортшы 73 келіге дейінгі салмақта 17 жасқа дейінгі екі дүркін әлем чемпионы (Мексика 2022, Албания 2023), сонымен қатар ҚР рекордшысы.
