Приозерск қаласының ішкі саясат бөлімі мемлекеттік әлеуметтік тапсырысы аясында Приозерск қаласының Мемлекеттік кірістер басқармасы қызметкерлерімен сыбайлас жемқорлыққа қарсы тақырыпта кездесу ұйымдастырылды.
Іс-шараның мақсаты – мемлекеттік қызметшілер арасында сыбайлас жемқорлыққа қарсы мәдениетті қалыптастыру, құқықтық сауаттылықты арттыру және адалдық пен ашықтық қағидаттарын насихаттау.
Кездесу барысында сыбайлас жемқорлыққа қарсы іс-қимылдың негізгі бағыттары түсіндіріліп, құқықбұзушылықтардың алдын алу жолдары талқыланды. Қатысушылар өзекті сұрақтарын қойып, пікір алмасты.
Мұндай кездесулер сыбайлас жемқорлыққа төзбеушілік қағидатын нығайтуға және қоғамда парасаттылық мәдениетін қалыптастыруға ықпал етеді.
