Қарағанды облысының әкімі Ермағанбет Бөлекпаев жұмыс аптасын Қарағандыны таңертең жаяу аралаудан бастады.
Таңертеңгі сағат сегізден бастап Қарағанды және Қазыбек би атындағы аудан әкімдерімен бірге Оңтүстік-Шығыстың бір бөлігін аралап шықты. Көшелерді аралау барысында қоқысты тазарту туралы ескертулер жасады. Су тасқыны аяқталды, енді барлығымыз бірігіп тазалыққа көңіл бөліп, қаланы ретке келтіру қажет, деп атап өтті өңір басшысы.
– Міне, қараңыздар: бір қарағанда тазартқан сияқты, алайда құрылыс қалдықтарын қалдырып кеткен! Неліктен жұмысын соңына дейін жасамасқа? Жаяу жүріңіздер! – деді Ермағанбет Бөлекпаев аудан әкімі Ералы Оспановқа.
Облыс әкімі әлеуметтік нысандар мен жеке кәсіпорындардың жиналмаған аумағына назар аударды. "Арай" базарының ішіне кірді.
– Қыстан кейін, әрине, қоқыс көп. Аудандық деңгейде тазарту жұмыстарын ұйымдастыруға байланысты кемшіліктер бар екенін мойындауымыз керек. Мердігерлердің жұмысына қатысты сұрақтар бар. Бизнес, ПИК өз аумағын да тазартуы керек деп айту керек, – деп атап өтті Ермағанбет Бөлекпаев. – Қазір міндет - қыстан кейін қаланы тез ретке келтіру. Біз қала, аудан әкімдерімен бірге жаяу жүріп, әр көшені тексеретін боламыз.
Бірінші жалпы қалалық сенбілік 13 сәуірге жоспарланған. Тұрғындарды сенбіліктерге белсенді қатысуға шақырады. Аудан билігі қапшықтар таратып, жиналған қоқысты шығаруға көмек көрсетіледі деп уәде береді. Өтінім қалдыру үшін Қазыбек би атындағы аудан әкімі Ералы Оспанов әлеуметтік желілердегі парақшаларға жүгінуді сұрайды:
instagram.com/qazybekbi_audany_akimdigi, instagram.com/eraly_ospanov.
