Елімізде "Таза Қазақстан" республикалық экологиялық акциясы басталды. 13 сәуірге дейін жалғасатын және Қарағандыда жалпықалалық сенбілікпен аяқталатын бірінші апта "Таза өлке" деп аталады.
Қала тазалығына бей-жай қарамайтын қарағандылықтардан шетте қалмауды сұрайды. Тұрғындар өз аулаларындағы қоқыстарды, кәсіпкерлер өздеріне бекітілген аумақты тазалауы керек. Қарағандыдағы қосалқы көшелерді тазалаумен мемлекеттік қызметшілер, орталық автомобиль жолдарын тазалаумен мердігер ұйымдар айналысатын болады.
13 сәуірде сенбілікке тұрғын үй қорын басқарудың барлық органдары – басқарушы компаниялар, ПИК, үй бойынша жауапты тұлғалар шығады. Аудан әкімдіктері қапшықтар беруге дайын. Өтінімді ведомстволардың Instagram-дағы ресми парақшаларында қалдыруға болады: @a.bokeihan_akim_apparaty, @qazybekbi_audany_akimdigi.
Тұрғындардан қаптарды қоқыс жәшіктеріне лақтырмауды, оларды қоқыс алаңдарында қалдыруды сұрайды. Қала тұрғындары жинаған қоқысты мердігер ұйымдар жинайды. Егер оны алып кетпесе, аудандық әкімдікке хабарласу қажет.
Келесі апта (20 сәуірге дейін) "Киелі мекен" деп аталады. Ол тарихи-мәдени ескерткіштер аумағын абаттандыру жұмыстарына арналған.
Үшінші апта (27 сәуірге дейін) "Жасыл аймақ" көшеттер отырғызумен және екпелерді әктеу жұмыстарымен атап өтіледі.
Төртінші апта (4 мамырға дейін) "Өнегелі ұрпақ" деп аталады. Ардагерлер тұратын аулаларды және қарттар үйлерінің аумақтарын тазалау және абаттандыру жүзеге асырылады.
Соңғы, бесінші аптада (11 мамырға дейін) "Мөлдір бұлақ" су айдындары – өзендер мен көлдердің айналасын қоқыстан тазартады.
Қазақстан Президенті Қасым-Жомарт Тоқаев көшелерді тазарту, су тасқынынан зардап шекпеген елді мекендердің аумақтарын көгалдандыру және абаттандыру жөніндегі науқанды облыстар мен қалалардың әкімдеріне тапсырды. Сондай-ақ, жолдарды ретке келтіру тапсырылды.
