Бас көлік прокуратурасы "Қазақстан теміржолы" компаниясының вокзал жолдарын жалға беру әрекетіне сотқа шағым түсірді. Бұл туралы Life09 ақпарат агенттігі Stan.kz сайтына сілтеме жасап хабарлайды.
Талдау барысында "ҚТЖ" ҰК" АҚ аумақтық бөлімшелерінің мемлекеттік мүлікке билік ету кезінде басымдық таныту фактілері анықталды.
Теміржол операторы 3 жыл "Востокмашзавод" АҚ-на жалға беруге болмайтын станциялық жолдарды уақытша иеленуге берді, салдарынан жалға алушылар бос тұрған вагондар үшін шамамен 4 миллиард теңге сомасында міндетті төлемдерді төлеуден жалтарып кетті.
Осыған байланысты прокуратура Абай, Ақтөбе, Жамбыл, Қарағанды облыстарының соттарына жалға беру шарттарын бұзуды талап ететін талап-арыздармен жүгінді. Қазіргі уақытта қадағалау органының талаптары толық көлемде қанағаттандырылды.
