Шет ауданының Ақадыр кентінде жатақханасы бар колледж ашылады. Бұл білікті кадрлардың тапшылығы мәселесін шешуге мүмкіндік береді және жастарға қалаға бармай-ақ сапалы кәсіптік-техникалық білім алуға көмектеседі. 

Бұл туралы Шет ауданына жұмыс сапары кезінде Қарағанды облысының әкімі Ермағанбет Бөлекпаев хабарлады. Ол колледжге лайықты ғимарат табуды тапсырды.

Шет ауданының жас тұрғындарына сапалы білім беру үшін әрқайсысы 300 орындық – С. Сейфуллин атындағы кентте және Ақсу-Аюлы әкімшілік орталығында екі жайлы мектеп салынуда.

Ақадырдағы Ә. Ермеков атындағы мектеп жанынан жаңа спорт залы 

мен асхана орналасатын қосымша ғимарат салынды. Қазір ішкі жұмыстар жүріп жатыр. 

Облыс әкіміне қосымшаға инженерлік желілер, оның ішінде су құбыры, кәріз жүйесі тартылатыны айтылды.

Ермағанбет Бөлекпаев облыстық маңызы бар С. Сейфуллин – Ақадыр автожолының орташа жөндеу жұмыстары жүріп жатқанын да тексерді. Оның жалпы ұзындығы – 86 шақырым. 

Грейдерлік автожол екі жыл бұрын асфальттала бастады. Биыл қайта есептеу әдісімен қалған 26 шақырым ретке келтіріледі. 

Мердігер бүгінге дейін 21 шақырым жолды асфальттап үлгерді. Жол жиектерін толтыру және нығайту жүріп жатыр.

– Тұрғындардың Айса ауылына дейінгі жолдың сапасына қатысты шағымдары орынды. Шұңқырлар көп. Мердігерді кепілдік міндеттемесі шеңберінде кемшіліктерді жоюға мәжбүрлеу қажет. Жалпы, барлық жолдар мұқият тексерілуі тиіс. Сапаға қатысты қатаң сұрау болады, – деді Ермағанбет Бөлекпаев.

Ақадырдағы кентішілік жолдар да ретке келтірілуде. "Ауыл – Ел бесігі" жобасы бойынша С. Сейфуллин ауылы мен Дәрия, Бұрма, Өспен, Еркіндік ауылдарының жолдары төселді.

Сондай-ақ, Ермағанбет Бөлекпаев Ақадырда 48 пәтерлік сегіз заманауи таунхаустың құрылысымен танысты. 

Үйлер қазірдің өзінде 70% дайын.

Кезекте тұрғандар тұрғын үймен қамтамасыз етіледі.

Айналма жолдан кейін Ермағанбет Бөлекпаев Шет ауданының тұрғындарымен кездесті. 

Ауыл тұрғындарының көпшілігі медициналық қызмет көрсету сапасына, ТКШ саласына, тұрғын үймен қамтамасыз етуге қатысты сауалдарын қойды.

Ақадыр тұрғындары көп жылдар бойы теміржол өткелі арқылы өтетін көпір салуды сұрап келеді.

Олардың өтініші орындалатын болды. 

Қазіргі уақытта жобалау-сметалық құжаттама сараптамадан өтуде.

Ауыл тұрғындары медициналық мекемелерді жабдықтармен жабдықтауға қатысты шағымданды. 

ФГДС, офтальмолог және ЛОР-дәрігер кабинеттеріне заманауи ультрадыбыстық аппаратпен, жабдықтармен аудандық аурухананы қамтамасыз етіледі деп уәде берілді.

Сондай-ақ ауданда заманауи ФАП, медициналық пункттер мен отбасылық-дәрігерлік амбулаториялардың құрылысы жалғасуда.

– Шет ауданы дамып келеді және бұл қуантады. Біздің басты міндетіміз – халық үшін жайлы өмір сүру жағдайларын жасау. Бұл инфрақұрылымды құрудың арқасында мүмкін болады. Ақадыр ауылының даму әлеуеті зор. Сондықтан сол жерде колледж ашып, білікті жұмысшы мамандықтарын дайындауды бастаймыз, – деді облыс басшысы.

Кездесу соңында Ермағанбет Бөлекпаев азаматтарды жеке қабылдады. 

Тұрғындардың барлық өтініштері бақылауға алынды, олар бойынша толық жауаптар беріледі.