Тректегі велоспорттан Қазақстан командасының өкілі Кирилл Курдиди Буллеруптегі (Дания) әлем чемпионатында үздік он спортшының қатарына енді, деп хабарлайды Life09 ақпарат агенттігі Olympic.kz сайтына сілтеме жасап.
Ол гит бойынша сәтті өнер көрсетті (1000 метр). Осылайша спортшы әлем чемпионатының финалына шықты. Шешуші раундта Курдиди жетінші болып келіп, нәтижесінде әлем чемпионатының үздік он спортшысы қатарына енді.
Сайыста бірінші болып Харри Лаврейсен (Нидерланды) келсе, екінші орынды Джеффри Хугланд (Нидерланды) алды. Үшінші орын Джозеф Труманға (Ұлыбритания) бұйырды.
Кирилл Курдиди – Теміртау қаласының тумасы. Оның қоржынында әлем чемпионатының қола медалі, Азия чемпионатының алтын медалі және Қазақстан біріншілігінің күміс медалі бар.
