Қарағанды облысының әкімі Ермағанбет Бөлекпаев Ақтоғай ауданында кезекті кездесу өткізді. Өткен кездесуде 28 сұрақ қойылды, оның 22-сі шешілді, қалғандары шешілуде.
Мысалы, ауыл тұрғындарының өтініші бойынша Қарағанды – Ақтоғай – Балқаш тұрақты автобус рейсі іске қосылды. Тұрғын үй мен әлеуметтік нысандар салынуда. Сарышаған ауылында «Ауыл – Ел бесігі» бағдарламасы бойынша заманауи дене шынықтыру-сауықтыру кешені салынды, онда алты секция ашылып, 40 адам жұмысқа орналастырылды. Шашубайда осы бағдарлама бойынша қазандық салу басталды.
– Біздің алдымызда осы жылға нақты міндеттер тұр - және олардың әрқайсысы толық көлемде орындалуы тиіс. Біз жас мамандар мен жас отбасылар үшін барлық қажетті жағдайды жасауға міндеттіміз - олар ел болашағының тірегі болып табылады. Президенттің тапсырмасына сәйкес, биыл біз халықты ауыз сумен қамтамасыз ету мәселесін толық шешуіміз керек. Сондай-ақ кәсіпкерлерді қолдау шараларын күшейту және колледждерді дамытуға ерекше назар аудару маңызды, – деп атап өтті Ермағанбет Бөлекпаев.
Атқарылған жұмыстар туралы аудан әкімі Абылай Аманжолов толығырақ баяндады.
Ақтоғай тұрғындары көтерген проблемалардың бірі – тұрақты электрмен жабдықтау. Ұзақ уақыт бойы ауданда электр желілеріне қызмет көрсететін ұйым болмаған. Бүгінгі таңда барлық нысандарды «ЖезРЭК» АҚ қарамағына беру жұмыстары жүргізілуде. Толық түгендеу жүргізілді, қажетті құжаттар дайындалуда. Рәсімді қыркүйекке дейін аяқтау жоспарланған.
Жол инфрақұрылымына да назар аударылуда. Өткен жылы Ақтоғай – Ақсу-Аюлы тас жолы жөнделді. Тұрғындар аудан орталығымен жеті елді мекенді жалғайтын Ақтоғай – Шылым – Ақжарық жолының жағдайына шағымданды. Оның жөндеу жұмыстары жалғасуда.
Сондай-ақ, Бектау-Ата шатқалына апаратын жолды асфальттау басталды – туристерге киелі жерге жету ыңғайлы болады. Қыстақішілік жолдарды жөндеу Шашубай және Сарышаған кенттерінде де жүріп жатыр.
Сондай-ақ ауданда абаттандыру, көгалдандыру, балаларға арналған ойын және спорт алаңдарын орнату жұмыстары белсенді жүргізілуде.
Ақтоғайда орталық стадионды қайта құруда проблема болды. Жұмысқа кіріскен мердігер жосықсыз болып шықты. Сотқа талап арыз берілді. Қазір жаңа мердігер стадионды жаңартуды аяқтағалы жатыр.
Кездесуде тұрғындар жолдарға, денсаулық сақтауға, интернет-байланысқа, кәсіпкерлікке қатысты бірқатар мәселелерді көтерді. Барлық айтылған сұрақтар назарға алынды.
Тұрғындармен кездесуден кейін Ермағанбет Бөлекпаев азаматтарды жеке қабылдады.
