Бүгін – Қазақстан Республикасының Конституциясы күні. Осыдан отыз жыл бұрын қазақстандықтар Ата заңымызды қабылдаған еді.
Бұл – мемлекетіміздің құқықтық жүйесінің берік негізін қалаған тарихи оқиға болды. Ал 2022 жылы 5 маусымдағы референдум нәтижесінде Конституцияның бірқатар бабына түзету енгізіліп, елдің саяси жүйесін демократияландыруға, азаматтардың құқықтарын кеңейтуге бағытталған маңызды қадамдар жүзеге асты. Ата заңымыз бүгінде еліміздің тұрақтылығы мен қоғамдық келісімінің кепілі болып, саяси жүйенің жаңаруына, ел дамуының басты бағдарына айналып отыр.
