Қарағандылық жанкүйерлер үшін нағыз мереке! «Кеншілер» биылғы футбол маусымында феноменалды көрсеткіш көрсетіп, барлық қарсыластарын шаң қаптыруда. Бүгінгі таңда команда 16 ұпайды еншілеп, турнирлік кестеде көш бастап тұр.
Бірақ басты сенсация бұл емес. «Шахтердің» қорғанысы биыл «темірдей» мықты болып шықты. Ойналған матчтардың қорытындысы бойынша доп айырмасы 22 де 0-ді құрап отыр. Яғни, қарағандылықтар қарсылас қақпасына 22 гол соқса, өз қақпасын «құлыптап», бірде-бір гол жібермеген.
Бұл нәтиже клубтың тарихындағы ең үздік көрсеткіштердің бірі. Мамандар команданың тактикалық дайындығы мен қақпашының шеберлігін ерекше атап өтуде. Егер «Шахтер» осы қарқынын жоғалтпаса, биылғы чемпиондық атақ Қарағандыға оралуы әбден мүмкін.
