1 маусымнан бастап жаңартылған Балқаш әуежайы алғашқы жолаушыларын қабылдады. Әуежайға Астана мен Алматы қалаларынан келген рейстер қонды, деп хабарлайды Life09 ақпарат агенттігі Qazaqstan.tv-ға сілтеме жасап.
Екі жарым жылға созылған жөндеу жұмыстары барысында әуеайлақ инфрақұрылымы толық жаңартылып, рульдеу жолы мен перрон қайта жөнделді. Сондай-ақ, арнайы автокөлік қызметіне арналған жаңа ғимарат бой көтерді.
Қазір Балқашқа:
• Астанадан – күн сайын Qazaq Air рейстері;
• Алматыдан – аптасына 6 рет SCAT рейстері қатынайды.
Мемлекеттік субсидиялардың арқасында әуе билеттері тұрғындар үшін қолжетімді бағада ұсынылуда.
Балқаш әуежайы қайта жаңғыртудан кейін жұмысын бастады
Фото: Gemini ИИ
