Еңбек ету, қоғамға пайдасын тигізу және ұжымның бір бөлшегі екенін сезіну — Қарағанды облысындағы «Жасыл елдің» инклюзивті жасақтарына қатысушылар осы жазда дәл осындай мүмкіндікке ие болды. Биыл жазғы маусым аясында жоба бойынша 150 жұмыс орны қарастырылған.
Еңбек ету, қоғамға пайдасын тигізу және ұжымның бір бөлшегі екенін сезіну — Қарағанды облысындағы «Жасыл елдің» инклюзивті жасақтарына қатысушылар осы жазда дәл осындай мүмкіндікке ие болды. Биыл жазғы маусым аясында жоба бойынша 150 жұмыс орны қарастырылған.
Қарағандыда бес инклюзивті жасақ жұмыс істейді. Тәлімгерлердің жетекшілігімен жасақ мүшелері аулаларды және балалар ойын алаңдарын тазалаумен айналысады. Жұмыс күні екі сағатқа созылады, ал жұмыс кестесі әр қатысушының мүмкіндіктерін ескере отырып жасалып, міндетті түрде ата-аналарымен немесе заңды өкілдерімен келісіледі.
Ұйымдастырушылар еңбек қауіпсіздігін қамтамасыз етуге және жайлы жұмыс жағдайын жасауға ерекше көңіл бөледі.
— Біз инклюзивті жасақтарға диагнозына қарамастан, негізінен өтініш білдіргендердің барлығын қабылдаймыз. Инклюзивті жасақтар кәдімгі жасақтар атқаратын жұмыстармен айналысады: аумақтарды тазалайды, көгалдандыру жұмыстарын жүргізеді, — дейді «Жасыл ел» республикалық штабы облыстық филиалының жетекшісі Сұлтан Шаймағанбет.
Ұйымдастырушылардың айтуынша, жоба алғашқы нәтижесін де көрсетіп үлгерді. Жасөспірімдер өз міндеттеріне жауапкершілікпен қарайды, жаңа дағдыларды тез меңгереді және жұмысқа қызығушылықпен араласады. Сондықтан келесі жылы қатысушылар санын көбейту жоспарланып отыр. Сонымен қатар жаңа бағыттар — қалдықтарды сұрыптау, жылыжайларда жұмыс істеу, өсімдіктерді өсіру және күтіп-баптау енгізіледі.
Еңбек ету, қоғамға пайдасын тигізу және ұжымның бір бөлшегі екенін сезіну — Қарағанды облысындағы «Жасыл елдің» инклюзивті жасақтарына қатысушылар осы жазда дәл осындай мүмкіндікке ие болды. Биыл жазғы маусым аясында жоба бойынша 150 жұмыс орны қарастырылған.
Қарағандыда бес инклюзивті жасақ жұмыс істейді. Тәлімгерлердің жетекшілігімен жасақ мүшелері аулаларды және балалар ойын алаңдарын тазалаумен айналысады. Жұмыс күні екі сағатқа созылады, ал жұмыс кестесі әр қатысушының мүмкіндіктерін ескере отырып жасалып, міндетті түрде ата-аналарымен немесе заңды өкілдерімен келісіледі.
Ұйымдастырушылар еңбек қауіпсіздігін қамтамасыз етуге және жайлы жұмыс жағдайын жасауға ерекше көңіл бөледі.
— Біз инклюзивті жасақтарға диагнозына қарамастан, негізінен өтініш білдіргендердің барлығын қабылдаймыз. Инклюзивті жасақтар кәдімгі жасақтар атқаратын жұмыстармен айналысады: аумақтарды тазалайды, көгалдандыру жұмыстарын жүргізеді, — дейді «Жасыл ел» республикалық штабы облыстық филиалының жетекшісі Сұлтан Шаймағанбет.
Ұйымдастырушылардың айтуынша, жоба алғашқы нәтижесін де көрсетіп үлгерді. Жасөспірімдер өз міндеттеріне жауапкершілікпен қарайды, жаңа дағдыларды тез меңгереді және жұмысқа қызығушылықпен араласады. Сондықтан келесі жылы қатысушылар санын көбейту жоспарланып отыр. Сонымен қатар жаңа бағыттар — қалдықтарды сұрыптау, жылыжайларда жұмыс істеу, өсімдіктерді өсіру және күтіп-баптау енгізіледі.
— Жоба жастарға еңбек тәжірибесін жинақтауға, өз қабілетін көрсетуге және қоғамдық өмірдің белсенді мүшесіне айналуға мүмкіндік береді. Осылайша, бірлескен күш-жігеріміздің арқасында қаламызды таза, жайлы әрі көрікті етіп келеміз, — деп атап өтті Қарағанды қаласы әкімінің орынбасары Ләззат Ақылжанова.
Инклюзивті жасақтар биыл ауқымы едәуір кеңейген «Жасыл ел» бағдарламасының маңызды бөлігіне айналды. Қарағанды облысының әкімі Ермағанбет Бөлекпаевтың тапсырмасы бойынша жоба алғаш рет жыл бойы жүзеге асырылатын форматқа көшуде. Жалпы өңір бойынша бес мыңнан астам жас «Жасыл ел» жасақтарында жұмыспен қамтылады.
Әлеуметтік тұрғыдан осал жастарды қолдауға ерекше назар аударылады. Әр маусымда жұмыс орындарының 10–15 пайызы жетім балаларға, көпбалалы және толық емес отбасылардан шыққан жасөспірімдерге, сондай-ақ құрамында мүгедектігі бар адамдар тәрбиеленетін отбасыларда өсіп жатқан жастарға резервке қойылады.
Жобаны кеңейтумен қатар заманауи технологиялар да енгізілуде. Өтінімді автоматты кезек жүйесі бар электрондық портал арқылы беруге болады. Енді жұмыс уақыты QR-кодтардың көмегімен есепке алынады, ал жасақ мүшелері жасыл желектерді цифрлық түгендеуге қатысады. GreenMap бағдарламасын пайдалана отырып, олар ағаштар мен бұталар туралы мәліметтерді электрондық базаға енгізіп, өңірдің жасыл қорының цифрлық картасын қалыптастыруға үлес қосуда.
Бүгінде «Жасыл ел» тек абаттандыру мен көгалдандыру жобасы ғана емес. Қатысушылар үшін «Таза Қазақстан» республикалық бағдарламасы аясында тренингтер, шеберлік сабақтары және экологиялық акциялар ұйымдастырылады.
