Қарағанды облысының әкімі Ермағанбет Бөлекпаев Amanat партиясының қоғамдық қабылдау бөлмесінде тұрғындарды қабылдады. Екі сағат ішінде өңір басшысы оннан астам мәселелер мен ұсыныстарды қарастырды.

Қабылдауда ең белсенді жергілікті өзін-өзі басқару қауымдастықтарының өкілдері болды. Оңтүстік-Шығыс бойынша № 2 МӘМ төрағасы Николай Козинский Степной шағын ауданындағы тұрғын үйлердің ауласында көлік тұрақтарының жетіспеушілігі мәселесін айтты.

Өңір басшысы жұртшылыққа қаланың инфрақұрылымдық даму жоспарын ұсынды. Оған сәйкес жақын арада автотұрақтар іште емес, үйлердің периметрі бойынша сыртта жабдықталатын болады.

– Тұрақ орындарының жетіспеушілігі-бүкіл қаланың проблемасы. Аулалар толы. Қабылдауда тұрғын үй кешендерінің сыртында тұрақ орындарын құру жоспарланғанын білдім. Жолдар босатылады, тротуарлар азаяды. Бұл Еуропада қолданылады. Жақсы шешім. Бірақ периметрі бойынша орын жоқ үйлер бар, онда бәрін басқаша ойластыру керек. Бұл ұзақ мерзімді жоба болуы тиіс, – деп атап өтті Николай Козинский. – Сондай-ақ, өз жобамызды іске асыруды күтеміз- өзіміз тұратын жерде біз тұрақ орнын белгіледік. Ол "Халық қатысатын бюджет" бағдарламасы бойынша іске асырылатын болады.

Пришахтинск қаласы бойынша № 1 МӘМ төрағасы Светлана Степанченко жаңа күл үйіндісін салу төңірегіндегі жағдайға алаңдайды. Белсенді Курьяновка тарапынан нысанды көгалдандыруға наразы.

– Курьяновкада 23 мың жас ағаш отырғызуға уәде берілді, бірақ әзірге олар тек 4 мың ағаш отырғызды. Содан кейін жартысы дерлік тамыр алмады. Пришахтинскіде әлі отырғызылған жоқ. Бірақ бұл нысанның айналасындағы ағаштар өте қажет, сонымен қатар ескі күл үйіндісін рекультивациялау қажет. Облыс әкімі біздің проблемаларымызды тыңдады, – деді Светлана Степанченко. – Бір айдың ішінде ол бізбен және экологтармен бірге күл үйіндісіне баруға уәде берді. Адамдар мен ауылдың өмірінде өзгеріс болады деп үміттенейік.

Қабылдауға су тасқынына қарсы шараларды күшейту бойынша, сондай-ақ қарды пайдалану бойынша стандартты емес бірнеше ұсыныстар қабылданды. Белсенді қала тұрғындары өртпен күресте пайдалану үшін арнайы нысандарда қарды мұздатып қоюды ұсынады.

Сонымен қатар, қабылдауға баламалы электр және жылу энергиясын өндіруге арналған инвестициялық жобаларды ұсынған өнертапқыш инженерлер қатысты.

– Барлық жобаларды өнеркәсіп және индустриялық-инновациялық даму басқармасының қызметкерлері егжей-тегжейлі зерделейтін болады. Біздің облыс тұрғындары шағымдарды айтып қана қоймай, өмірді жақсарту үшін ұсыныстар беріп жатқаны қуантады, – деді қабылдау кезінде Ермағанбет Бөлекпаев. – Барлық сұрақтар, мәселелер мен ұсыныстар бақылауға алынды.