Қарағанды облысының полиция департаменті 10 миллион теңгеден астам сомаға вейп партиясын тәркіледі. Операция заңсыз темекі өнімдері мен электрондық тұтыну жүйелерінің саудасына қарсы өткізілді.
Жоспарлы шара барысында 24 жастағы азаматтың басқаруындағы автокөлік тоқтатылды. Тексеру кезінде 1627 дана электронды темекі өнімдері бар 15 қорап анықталып, тәркіленді. Тауарларды ұсталғандар сатуға апара жатқаны белгілі болды.
Заңсыз сауда күдігімен 21 мен 24 жас аралығындағы үш адам ұсталып, полицияға жеткізілді. Қазіргі уақытта қылмыстық іс қозғалды, тергеу жүргізілуде.
Айта кетейік, 2024-ші жылдың 19 сәуірінде Қазақстанда никотинді өнімдер мен вейптерді тұтынуға тыйым салатын заң қабылданып, 20 маусымда күшіне енді. Полиция азаматтарға заңнаманы сақтауға және электрондық тұтыну жүйелерінің заңсыз саудасына қатысуға сақ болуға кеңес береді.
