Бүгін – Ұлы Отан соғысында өшпес ерлік көрсетіп, қазақ халқының даңқын асқақтатқан батыр, Халық Қаһарманы Рақымжан Қошқарбаевтың туған күні.
1945 жылғы 30 сәуірде Рақымжан Қошқарбаев пен жауынгер Григорий Булатов Берлиндегі Рейхстаг ғимаратына Жеңіс туын алғашқылардың бірі болып тікті. Бұл – тарихта алтын әріптермен жазылған, батылдық пен қайсарлықтың, Отанға деген шексіз сүйіспеншіліктің жарқын үлгісі.
Майдан даласында ажалдан тайсалмай, елінің азаттығы мен бейбіт болашағы үшін күрескен батырдың ерлігі – бүгінгі ұрпақ үшін мәңгілік өнеге. Оның есімі – халқымыздың рухының биіктігін, қазақ жауынгерінің батырлығы мен табандылығын танытатын асыл мұра.
Рақымжан Қошқарбаевтың ерлігі ешқашан ұмытылмайды. Біз батыр бабаларымыздың арқасында келген бейбіт өмірдің қадірін біліп, олардың аманатына адал болуға тиіспіз.
Өткенге тағзым – болашаққа аманат!
Батырдың есімі ұрпақ жадында мәңгі сақталып, ерлігі ел тарихында жарқырай берсін! Рухы асқақ, есімі мәңгілік болсын!
Ерлікке тағзым! Батырларға мың тағзым!
