Қарағанды облысында өрт сөндіру паркі заманауи арнайы техникамен толықты. Салтанатты жағдайда бөлімшелерге төтенше жағдайларды жоюға қажетті барлық жабдықтармен жабдықталған өтімділігі жоғары 17 жаңа көліктің кілттері табыс етілді.
Олар азаматтық қорғау жүйесін дамыту тұжырымдамасы шеңберінде облыстық бюджет қаражатына сатып алынды.
Шараға өңір басшысы Ермағанбет Бөлекпаев пен ТЖ министрі Шыңғыс Арынов қатысты.
– Соңғы төрт жылда сіздердің қызметтеріңізді қаржыландыру екі жарым еседен астам өсті. Осы кезеңде 44 арнайы техника сатып алынды. Біз жаңа өрт сөндіру бөлімдерін салудамыз, хабарлау жүйесін жаңғыртудамыз және орталық өрт сөндіру станцияларының желісін кеңейтудеміз. Қазір олардың саны 57, ал 2027 жылға қарай олардың саны 90-ға жақындайды, – деді Ермағанбет Бөлекпаев.
Табиғи өрттердің алдын алу басым мәселелер қатарында қалып отыр.
Бөлімшелер жабдықтармен жарақтандырылады. Бұл әсіресе шалғай және жету қиын аудандарда жедел әрекет етуге бағытталған.
Жаңа машиналар облыстың барлық аудандарына таратылды.
ТЖМ басшысы техникаға ұқыпты қарауға шақырды.
– Автомобильдерді тапсыру жақсы дәстүрге айналып келеді. Екі апта бұрын біз әскери қызметшілерге жаңа машиналардың кілтін тапсырдық. Қазір әскерилер олардың игілігін көріп жатыр. Бұл сіздердің ерен еңбектеріңізге жақсы көмек, – деп атап өтті Шыңғыс Арынов.
