Талғарда марқұм Шерзаттың ағасының денесі табылды, бұл туралы Алматы облысының полиция департаменті мәлімдеді, деп хабарлайды Life09 ақпарат агенттігі.
Полиция таратқан мәліметке сүйенсек, 30 жастағы азамат өзіне қол салған.
"Марқұм биыл 4 қазанда қаза тапқан Шерзат Болаттың ағасы екені анықталды.
Факт бойынша қылмыстық іс қозғалды. Қазіргі уақытта барлық мән-жайды анықтау үшін тергеу амалдары жүріп жатыр", - делінген хабарламада.
Оған қоса полиция Шерзат Болаттың отбасында арнайы күзет болғанын хабарлады.
"Осы уақытқа дейін отбасына қандай да бір қоқан-лоқы жасау дерегі тіркелмеді. Күзет қызметіндегі қызметкерлердің түсініктемесі бойынша ер адам күзетілетін нысаннан сағат 23:30-да шығып, жеке көлігімен кетіп қалған, - делінген хабарда.
