Нұржамал Тәжғалиеваның айтуынша, депутат күйеуі Айбар Ерекешов 12 жыл қорлық көрсетіп, соққыға жыққан. Тіпті төрт баласына алимент төлеуден де жалтарған. Бұл туралы Life09 ақпарат агенттігі Stan.kz-ке сілтеме жасап хабарлайды.

"2018 жылы баламды емізіп жатқанда, ұялы телефонмен басымды жарып жіберді. Ал 2023 жылы 120 келі салмағымен үстіме отырып ұрып соқты", – деді әйел.

Әйел бірнеше рет полицияға арыз жазған. Бірақ күйеуі мен ата-анасының қысымынан соң қайтарып алған. Себебі ер адам түзелуге уәде беріпті. Ажырасқан соң депутат әке алимент төлемей, 6 миллион теңгеге жуық қарыз болған. Ал полиция оның барлық әрекетін жасырып отыр екен.

Дегенмен облыстық полиция аталған оқиғаға қатысты тергеу жүргізіліп жатқанын айтты.