Қарағандылық Абылайхан Жүсіпов әуесқой боксқа оралып, бірден жеңіске жетті. Грузиядағы халықаралық турнирде ол үздік боксшы атанды.
"Олимпиада ойындарынан кейін екі жыл бойы кәсіби бокста тәжірибе жинадым және бокс федерациясы мен Қарағанды облысының дене шынықтыру және спорт басқармасының шақыруымен және қолдауымен әуесқой боксқа оралдым. Мен өз тәжірибеммен бөлісіп, Отаным - Қарағанды боксының өскелең ұрпағына үлгі көрсетіп, оларды алға қадам басуға шақырамын", – деді Абай бокс мектебінің 27 жастағы тәрбиеленушісі Абылайхан Жүсіпов шілде айында әлеуметтік желілердегі парақшасында.
Екі айдан кейін ол Грузияда Әлем және Еуропа чемпионы Георгий Канделакидің жүлделері үшін халықаралық турнирде жеңіске жетті. Жалпы Қазақстан құрамасы үш алтын және үш қола медаль жеңіп алды.
Естеріңізге сала кетейік, Абылайхан Жүсіпов 2014 жылы Нанкиндегі (Қытай) екінші жазғы Жасөспірімдер Олимпиадасында алтын медаль жеңіп алған болатын. Әуесқой бокста ол үш рет әлем чемпионатының қола жүлдегері атанды – 2017, 2019 және 2021 жылдары. Кәсіби рингте ол төрт жекпе-жек өткізіп, бәрінде жеңіске жетті.
