Мәжіліс депутаты Дәулет Тұрлыханов қазақ спортын дамытуға қатысты ұсыныстарын жасады, деп хабарлайды Life09 ақпарат агенттігі BAQ.KZ сайтына сілтеме жасап.
Елімізде спортты қаржыландырудың жалпы сомасы шамамен 300 млрд теңгені құрайды, алайда бұл қаражат қанағаттанарлық нәтижелерге әкелмей отыр. Сондықтан осы жағдайды жақсарту үшін келесі шараларды қабылдауды ұсынамыз, - деді депутат.
Ол мынадар мәселелерді көтерді:
1. Спорттық іс-шараларды қаржыландыру процестерін толығымен цифрландыру және қаражаттың мақсатты пайдаланылуына онлайн-бақылау жүйесін енгізу.
2. Шетелдік тәжірибелерді қолдана отырып, спорттық іс-шараларды жоспарлаудың заманауи әдістерін қолдануды қолға алу.
3. Аустралия спорт институтысияқты сәтті институттарды назарға ала отырып, спортшыларды оқытуды ғылыми қамтамасыз етудің тәуелсіз институтын құру.
4. Жас спортшылар мен олардың жаттықтырушыларын, әсіресе халықаралық жарыстарда жоғары нәтижелерге қол жеткізетіндер үшін көтермелеу жүйесін күшейту.
5. Оларды пайдалануды оңтайландыру және олардың тиімділігін арттыру үшін спорт нысандарын басқаруда мемлекеттік-жекеменшік әріптестікті дамыту.
6. Тренерлердің біліктілігін арттыру жүйесін енгізу, бұл оқытудың барлық кезеңінде мамандар даярлауға мүмкіндік береді.
Сонымен қатар спорт мектептеріне көбірек көңіл бөлу керек. Бүгінгі таңда Қазақстанда тек 510 балалар мен жасөспірімдер спорт мектебі жұмыс істейді, 1991 жылмен салыстырғанда айтарлықтай аз. Бұл дегеніміз миллиондаған баланың жүйелі түрде спортпен шұғылдану мүмкіндігінен айырылғанын білдіреді. Жаңа спорт мектептерін құру және спорт секцияларын дамыту маңыздыміндет, - деп түсіндірді ол.
Тұрлыханов қазақстандық спортқа маңызды реформалар қажет екенін айтты.
Ол үшін:
1. Президенттің спортты одан әрі дамыту жөніндегі шаралар туралы Жарлығы шығарылуын;
2. Осы Жарлықты іске асыру жөніндегі Үкіметтің Қаулысы қабылдануын;
3. Спортты дамытудың 2025-2028 жылдарға арналған бағдарламасы және 2032 жылға дейінгі Даму стратегиясы бекітілуін ұсынамын.
Депутат өзі көтерген мәселелерін Премьер-министр Олжас Бектеновке жолдады.
